Uwa yahkhmat ka All India Congress Committee (AICC) uwa pait ya ka Meghalaya, u Dr A. Chellakumar da ong u wa ka Party ym em phah ko næ lai khroh biang ko ya kiwa yahkhmat ka seiñ kiwa da yut noh, deiwa ong leh wa kitu kiwa yahkhmat warim kiwa da yut ye ki wow uiñ biang hadien wa da pyrkhat sani bha wei u pdiang ya ki khlem da artatien.
Hadien wa mih kiwa yahkhmat na ka Congress, kam u Dr. Mukul Sangma wa u Charles Pyngrope da ktah syndon ko ya ka Party hapoh ka jylla. Hawa kylli lada phah biang wow tyrwa cha kini kiwa yahkhmat, neiliang u Dr. Chellakumar da ong u wa kwah ya waroh ki bru yong ka Congress wow uiñ biang ki yow myntoi ka Congress kamjooh ka jylla deilang waroh kawi ka ri.
Uni uwa yahkhmat ka AICC da ong u wa waroh tip ki iyi wa jia ha ka ri waroh kawi katni, kamtæ u pdiang ya waroh kiwa uiñ biang.
Ha iwi won i liang da ong u wa ka Congress ha Meghalaya da ku smat bha ko wei boon ki bru kiwa kwah wow psiah cha ka seiñ wei daw pynjoor leh yei pynpsiah ya kitu waroh kiwa kwah wow psiah ha ki por wow wan.
Discussion about this post