Ka sorkar Assam da e yarap ko mar Rs.15,000 cha kamwa 75,000 tylli ki manyung wa chah ktah ha ki District wa chlai-um, wei yeini da pynbna da u Chief Minister, u Himanta Biswa Sarma.
Da ong u wa ini i yarap toh lyngba ka PM Surya Ghar Yojana.
U Chief Minister da ong u wa ka sorkar u yaleh ko wow pynsmat i yarap cha kiwa chah ktah khnang wow im biang ki kam nachwa.
Chooh chooh da pynbna u sa mar Rs.10,000 cha ki manyung wa chah ktah joor bha ha Sivasagar wa Charaideo yeiwa u pynlait noh ha ki sngi wow wan.
U Himanta da ong u leh wa deiwa kheiñlang dapoi hadooh Rs. 160 klur wa da psiah cha ki Account ki manyung wa chah ktah nei chlai-um ha Assam.
Kam wow kdaw heini, i chalai-um ha Assam ha uni u snem man iwa joor dooh ha ki 60 snem heiwa da yap ki 87 ngut ki bru.
Discussion about this post