Ka yung yong u Vice President ka ri, u M. Venkaiah Naidu ynne da e sñiawbha ko T. 10.00 lak neibynta i yakhun ya ka khlam COVID-19 wa i chna ya ka Ram Mandir ha Ayodhya.
Ka Muppavarapu Ushamma Naidu, ka kurim yong u Vice President da chimkhia ko yeini deiwa pynlang ya ka poisa wa pynlang na ki khon yong ki kamjooh na ki pyrsa kurim yong ki.
Ka Naidu da phah ko ya ka Cheque wa T. 5.00 lak cha ka PM CARES Fund wow kyrchaan ya i yakhun ya ka khlam u COVID-19 katwa sa kawi won ka Cheque wa T. 5.00 lak wow kyrchaan ya ka Shri Ram Janambhoomi TeerthKshetra Trust wow yarap chna ya ka Ram Mandir ha Ayodhya kawa da sdang yei kreh ynne da ka Bhoomi Pujan.
Chwa ini, ha u Wisu (March), u Naidu da e yarap u chi bnai ka tulop cha ka PM CARES Fund wa 30% na ka tulop man u bnai neibynta wow yakhun ya kani ka khlam.