Ynne ka sngi, ki paidbah ka Lapangap da hiar ki cha Pynthor Umchyrngan, cha Umpawiang wa ha Lakawang katwa u DC wa SP ka West Jaiñtia Hills da chong yalang u wa ka DC wa u SP ka West Karbi Anglong chirup wa mar soo ngut kiwa chong chnong ka Lapangap wa Tahpat ha ktem ki pulit Assam ha Loom Pynthor.
Ha Lakawang ki kattu katni ngut da chah khang ki ha ki pulit Assam deiwa ong wow sangeh chwa katwa dang man ka yalang.
Ha Umchyrngan nawon kiwa rep da hiar ki chirup wa ki wakhu tangwa du hadien kattu katni por da chah siat watur ki ha ki damok iwa da pynman ya ki wow randien wei wow sangeh u rep.
Ka yalang wa da man hapyrdi ki ar liang da booh ki ya ki kyndon yong ki deiwa pynyoo ya jar jiar ki ñia yong ki.
Discussion about this post