Ki ar ngut ki chi payu kiwa tip kam u Saurabh wa u Gaurav Luthra kiwa man ki tre ka Birch By Romeo Lane Club kawa da iñ hei miet ka 6 tarik uni u bnai ha Goa heiwa da yap 25 ngut kiwa kyntup ya 5 ngut ki Tourist wa 20 ngut kiwa kreh, da chah kem ki na Phuket, Thailand.
Kini ki chi payu mar ya iñ ka Club ki; heipor kamwa 1:17 i step synyaaw ka 7 tarik thied Ticket wot ki na ka MakeMyTrip hawa dang yaleh ki Goa Police wa ki Goa Fire Service wow tympleh yei diñ wa dang kyrooh.
Kini da mih ki na India heipor 5:30 i step ha ka 7 tarik hi wei da chah kem ki ha Thailand ha ka 11 tarik hadien wa pyntip ki pulit na India.
Neiliang ki muktiar kini ki chi payu, da yasaaid ki ha New Delhi Court wow pynlait ki nei chah kem deiwa e daw wym toh wa yut ki napoh ka ri tangwa lai ki ya ka Business Trip wei ymtoh leh ki ki tre tangwa man ki kam kiwa ksoh ya ka License donhi wei yei kaam i jaam da pynlai da kiwa kreh kani ka Club iwa mut wym em ki yei kitkhlieh.
Ka Indian Embassy wa em ha Bangkok dang yaklam ko wa ki bor sorkar ka Thailand yow wanrah biang ya kini ki ar ngut cha India katkam ki kyndon ka aiñ.
Ki pulit ka Goa dadep ki wow kem ya 5 ngut ki Manager deilang kiwa kreh heiyatoh wa i sdang ini i diñ.
Discussion about this post