theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Mar ya poi ka KSU pynche bordiñ wot ka Lumshnong Sub-Station

Advertisement ad1

Hei miet ka 22 tarik heipor kamwa 9:30 i miet, ki dkhot ka KSU Narpuh Circle da lai hiar ki cha Lumshnong Sub-Station neidaw wym ye u pynbiang bordiñ ha thaaiñ Narpuh. Tangwa da pynphylla ya ka seiñ wa mar ya poi ki tæ pynche bordiñ wot.

Hawa kylli yei daw, da batai ki kamni kamtai wei ym sñiawthooh yei batai wei ki dkhot ka seiñ da ap dohnhi ki yei batai yong kiwa em heini i thaw.

Hawa pyrchang wow Phone ya u AEE Distribution, u Kamwa Iakai, da khana u wa em i thut wei da pyrchang ki wow kreh chitom yow pynbiang bordiñ ya ki paidbah. Hawa yaklam wa ki wakreh da khana ki wa ka chnong Brichyrnot, Tongseng Narpuh, Umtalen, Sakhri, Sonapyrdi, Lum Myrli wa Shymplong toh kiwa yoh bordiñ na Kuliang Sub-Station 33kv tangwa neidaw wa sih i tiar  11kv wa em ha Lumshnong Sub-Station da ktah ko yei bordiñ cha kitai ki chnong.

Ka seiñ da pynsñiaw ko leh yei chrai hajrong i dooh bordiñ ha ki thaaiñ Narpuh wot hapyrdi wa rang i bneiñ. Da ong leh wa lada dang pteiñ kamni, ka seiñ ym yohsa ko wow pynyoo da ki kaam.

Da kdaw leh wa ki JUD Cement kawa sah ram da ki klur tangka tangwa biang yoh bordiñ ko thij-thij katwa ki paidbah ka thaaiñ won kiwa su bordiñ man-u-bnai khlem maap da chah pynchitom ki wei ini da pynyoo yei arsap kani ka chnat.

Share this:
Previous

Hapoh 24 kynta donhi kem ki pulit ka EJH ya uwa suba tynyap ya ka manbei ha Umtyra

Next

Nei dooh bordiñ wei hap thang mombati yow khreh kot, baam lut i diñ yei yung