Mar ya sdang dooh ki 22 tylli ki College yei tipmit na ka State University ka Meghalaya

Ka skurbah yong ka jylla, ka Captain Williamson Sangma State University da pynsangeh noh ko yei tipmit namo ka Affiliation yong 22 tylli ki College hadien wa da mih i ya tyngkhooh wa ki kyndon wa da em chwa yong ka North Eastern Hill University (NEHU).

Hawa yaklam wa u Montri wa pait ya ka chnat Puræ Puthi ka jylla, u Rakkam A Sangma da ong u wa ini i phah pynsangeh noh chwa yei tipmit yong 22 tylli ki College toh neidaw wa em i tyngkhooh wa ki kyndon ka NEHU kiwa da ong wym ye wow yoh yei tipmit namo ka Affiliation na ar tylli ki skurbah heijooh i por.

Da ong u wa ki College kiwa kwah wow pynyabi wa ka State University daw hap ki wow pynlait chwa ya ka NEHU, wei hadien katæ daw ye ki wow pynyabi wa kiwi ki skurbah.

Related posts

Pynkup burom ka NPP Women’s Front WJH ya 111 ngut ki manbei wa e chakri ha ka imlang sahlang

May 10, 2026

Hadooh Rs. 24.79 klur u pynlut yow chna ya ki sarok ka thaaiñ Barato

May 10, 2026

U Rakkam da khana u wa yeini i kaam dadep wow pynbait ynnin ka sngi heiwa da mynjur wa ki College kiwa kwah wow em hapoh ka Captain Willamson Sangma State University toh u pynlait chwa ki ya ka NEHU.

Katkam wa khana u Rakkam da em kamwa 10 tylli ki College thymme kiwa dadep wow yoh yei tipmit wei da em ki hapoh ka State University.