Markhmat wa ki paidbah yaklam u Wailad yow ap yeiwa chem chitom ki na ka Scheme MHIS wa PMJAY 

U Montri ka chnat yong i chait i khiah ka sorkar jylla, u Wailadmiki Shylla, ynne ka sngi da chimbynta u wow yaklam yachem yumut wa ki paidbah heiyatoh wa ka Scheme MHIS wa PMJAY kiwa man ki Scheme wa ka sorkar e yarap kyrpang ko ya ki paidbah ka jylla hei kjut chitom neibynta ki wym em kreh sorkar, khnang wa lyngba ini i yachem daw sñiawthooh yei myntoi wa yoh ki kamjooh leh lada em iwon iwon i eh wa maad ki.

Ya kani ka yachem paidbah u Montri da sdang chwa u na ka Constituency yong oo hi ka Jowai haka yalang wa da pynman ka yung krehkaam ka District Medical and Health Officer, West Jaiñtia Hills ha Community Hall ka Lumpyrdi Mihmyntdu, chirup i emlang ka CEO MHIS, ka Evarinia Liza Warjri, ka Lisana Balsime R. Marak, MCS Assistant Commissioner WJH, ka Dr. P.Shylla DM&HO, WJH wa kiwi najrong ki paidbah.

Wei i chim ka chnat i chait i khiah ya kani ka luti toh wa kwah ki wa ki paidbah u che wei tip ki yei rukom pynkrehkaam ya kini ki Scheme la heiyatoh wa ki Hospital næ i rukom ah poisa yow yarap wa kiwi lyngba i chimbynta yachem yumut wa i pynche pynsñiawthooh.

Hawa pynche ya kini ki Scheme neiliang u Wailadmiki da khana u wa ka Rs. 5 lak tam wa da mang chisnem neibynta kawi ka manyung kynthup ko jar jiar ka song poisa neibynta yong ki jait kjut waphær waphær.

Heiyatoh wa ki Hospital da ong u wa em ki Hospital wa pynkrehkaam ya ka MHIS em won ki wym em pynkreh najrong wa em leh kiwa pdiang du katkam ki jait kjut.

Ki rukom ah bai sumaar chong ha ki jait kjut wa ka sorkar lyngba ka MHIS leh da booh ko jar i dor wa toh u ah.

Neibynta i kjut wa rap joor wei heh i lut, khana u wa lada ka Rs. 5 lak tam u lut ko du hapoh ki 8 bnai haroh khlem pu kut snem, ye u booh Aplication cha ka MHIS deilang kiwi ki kot pynsakhiat neibynta u yoh chooh ki laad yarap lyngba ka CM Care Plus wa da sdang da u Montri Rangbah ka jylla.

Related posts

Ka Meghalaya toh kawi na kiwa miat dooh ha pyrthai, daw ku i wan ki Tourist na baar ri, ong u Montri khynnah ka sorkar pyrdi

September 19, 2026

U Amit Shah ym em bor u wow tipmit ya ka ktien Khasi, emkaam u mynjur ka Parliament | Pynbiej ka BJP: Kynta

September 19, 2026

U Montri ong haroh u wa kam ini i pynche toh kawa emkaam bha ya ki paidbah yow sñiawthooh khnang wa kiwon kiwon ki Hospital wa mut u leh thok leh ym yohlaad ki.

Heijooh i por kyntu u ya ki paidbah wow chim kabu ya kani ka Scheme deiwa lai chondur ym wow yang hadooh wa yoh kjut, neibhah i yarap wa Rs. 5lak tam ymtoh de iwa ke wei ym em leh kiwa ye u e yarap hadooh katni.

Ha kani ka sngi ki paidbah da ya chimbynta ki u pynsñiaw yei myntoi wa yoh ki wei wow paan pynche hajrong ki bynta wym em che ki, yeiwa da yieñ e pynche da u Montri i chait i khiah hi deilang ki bru napoh ka MHIS.