Ka Tura District Cricket Association-A da tam ko yaka North Garo Hills haka sngi nyngkong ka Zone 2 Final ka Inter-District U-23 Men’s Cricket Tournament wa pynman ha Mendipathar ynne ka sngi da ka Meghalaya Cricket Association.
Hadooh wa kut ka yalehke ynne ka sngi, ka TDCA-A da kamai ko 292 Run hawa jubab yeiwa kamai ka NGH da 65 haka Innings wa nyngkong iwa da tam ka TDCA-A da 227 Run.
Ka NGH da sdang ko deiwa miat tangwa i lehbha u Manish Sharma da ka bol uwa yoh 6/11 da pynkut ko ya iwon iwon i kyrmen wow kamai chiboon. Ka NGH da dooh ko 3 Wicket deiwa kamai 57, heiwa da dooh ko ya ki 7 Wicket kiwa dang sah deiwa kamai du 8 Run. U Elchiang Momin (2/15) wa u Meghlin Momin (2/17) toh kiwi kiwa yoh Wicket. Na kiwa Bat, u Dairo A Marak da lehbha u deiwa yoh 23.
Ha ka Innings ka TDCA-A da leh bha aw jan waroh kiwa Bat kiwa kamai boon dooh toh u Frickey Sangma (51) wa u Ronie Marak (53*) uwa da wan wow Bat heiwa chiphaw. U Chibasal G Momin (3/35) u Aditya Singh (3/38) toh kiwa kawang bol wa lehbha dooh ya ka NGH.
Waroh kini kiwa Bat da yarap ki yaka TDCA-A wow yoh ko 292 Run deiwa yooluti wa daw ye u pynhaap lut yaki Wicket ka NGH mynstep yow yoh yei jop.
