Ka Shillong Cricket Association-A da ye ko wow jop ya ka Ri-Bhoi haka Zone 1 Final ka Inter-District U-23 Men’s Cricket Tournament da 46 Run ha Nongpoh ynne ka sngi wa pynman da ka Meghalaya Cricket Association.
Deiwa pteiñ yaka sngi wa ar na iwa ieh da 89/8, iwa tam da 132 Run, ka SCA-A da ye ko wow kamai sa du 13 Run deiwa dooh ya ki artylli ki Wicket wa sah deiwa kamai waroh 102 Run iwa da booh thong yaka Ri-Bhoi 146 Run yow jop.
Ynnin ka SCA-A da kamai ko 107/10 hadien wa jop yaka kylla khlem heiwa ka Ri-Bhoi da jubab ko deiwa kamai 64/10.
U Ibitlang Thabah da kamai u 15 Run yaka SCA-A haka Innings wa ar katwa kiwa kawang bol ka Ri-Bhoi u Bharat Gurung da yoh u 4/30 wa u Ram Gurung 4/42.
Haka Innings wa ar ka Ri-Bhoi, u Laxman Gurung wa u Vicky Kumar pyn-ar da kamai ki 36 Run samen tangwa i kawang bol u Man-of-the-Match u Abhishek Kumar uwa yoh 7/30 da pynjop u yaka SCA-A kiwa da ye wow pynhaap lut ya ki Wicket ka Ri-Bhoi deiwa kamai 99 Run na ki 42.4 Over iwa mut da yoh ki yei thaw haka State-Level Final. U Lokesh Turaha da yoh u ya ki 3 tylli wa sah yaka SCA-A.
U Kumar da pynku u yaka yalehke deiwa yoh 13/69 (hadien wa yoh 6/39 haka Innings wa nyngkong) wei da yoh u leh 50 Run.
Ka SCA-A kattu daw yachem ko waka Tura District Cricket Association-A haka State Final, kawa daw pynman ha Mendipathar haka 12 tarik.
