Ka Tura District Cricket Association-A da yoh ko yei thaw haka State Final ka Inter-District U-23 Men’s Cricket Tournament wa pynman daka Meghalaya Cricket Association’s deiwa jop suk yaka North Garo Hills da chi Innings wa 116 Run haka Zone 2 Final ha Mendipathar ynne ka sngi.
Hadien wa chah pyndooh deiwa kamai 65 Run haka Innings wa nyngkong heiwa ka TDCA-A da jubab ko da 292 Run, ka NGH haka Innings wa ar da emkaam ko 227 Run yow phah Bat biang yaka Tura.
Hawa kut, ka NGH da ye ko wow kamai 111 Run, heiwa u Manish Sharma da yoh biang u 5 Wicket (5/38), iwa da man waroh 11/49 hadien wa yoh u 6/11 haka Innings wa nyngkong ynnin ka sngi.
Uwa sdang yeiwa Bat u Success R Marak da kamai u 52 na 139 bol deiwa kynchew lang u Drabest Marak (17), Gilseng Momin (16) wa u Dairo A Marak (15) kam kiwi kiwa ye u kamai Run.
Ka North Garo Hills da sdang ko deiwa biang deiwa yoh 87/2 tangwa ki 8 Wicket kiwa sah da dooh ko deiwa kamai 24 Run.
Deilang wa u Sharma uwa yoh 5 Wicket, u Purav Agarwal da yoh u 4/22 iwa e yei jop yaka TDCA-A haka 58.1 Over.
Ka Tura-A kattu daw yang ko ya kiwa jop haka Zone 1 Final hapyrdi ka Shillong Cricket Association-A waka Ri-Bhoi, kawa daw sdang haka 8 tarik ha Nongpoh.
