Ka Ri-Bhoi Cricket Association da tam ko da 178 Run yaka All Jaintia Cricket Association haka sngi wa nyngkong haka Zone 1 ka Inter-District U-23 Men’s Cricket Tournament ha Nongpoh ynne ka sngi wa pynman daka Meghalaya Cricket Association.
Ka AJCA da jop ko yaka kylla khlem wei da jied ko wow Bat nyngkong tangwa da ye ko wow kamai 140 Run na ki 32.4 Over deiwa dooh lut ya ki Wicket. U Mewad Shylla da yoh u palat chiteiñ iwa ye ka liang u wow kamai deiwa yoh 72 na 62 bol, tangwa uwa kawang bol ka Ri-Bhoi u Bharat Gurung uwa yoh (7/15) da khanglaad u yaka AJCA wow kamai boon ko.
Hawa jubab, ka Ri-Bhoi da kamai ko 318/10 na ki 58 Over. Kiwa leh bha da ka Bat toh u Laxman Gurung (82 na 86 bol) wa u Ananth Malik (58 na 40 bol). Kiwi de kiwa da ye wow kamai Run toh u Pratik Haritwal (47) wa u Abhijeet Dey (37), katwa kiwa kawang bol ka AJCA wa leh bha toh u Nehlang Pariat, uwa yoh 6/68.
