Ka East Jaiñtia Hills waka Ri-Bhoi da jop ki ynne ha ki yalehke yong ki haka U-14 Inter District Tournament 2021 ka Meghalaya Cricket Association wa pynman ha Nongpoh.
Kini da man ki leh ki yalehke wa khaddooh ka Zone 1.
Hei step ka EJH da kamai ko 118/2 na ki 20 Over pyrchah ya ka East Khasi Hills. U Player-of-the-match u Ribaitki Dkhar da kamai u 47 Run, heiwa ya ki Wicket da pynhaap u Damecha Khongsngi (1/15) wa u Jonathan Mawa (1/22). Hawa jubab, ka EKH da haap lut ki Wicket ko deiwa kamai 67, yow e yaka EJH yei jop da 51 Run. U Khongsngi da kamai u 29 Run, katwa u Yoometre Malang da yoh u (3/9) wa u Morningstar Phawa (3/10) da ka bol. Ini toh i jop wa le sien yaka EJH yow yoh wa ar ko haka Zone 1, hadien ka Shillong Cricket Association.
Haka yalehke wa bood, ka Ri-Bhoi da jop ko yei sien wa nyngkong deiwa pynrem yaka All Jaintia Cricket Association da 5 Wicket. Ka AJCA da yoh ko 118/10 na ki 17.4 Over (Heiyoomiki Ryngkhlem 43; Suraj Kapri 4/24) katwa ka Ri-Bhoi da ye ko wow kamai aw jan 8 Run chi Over yow jop haka 15 Over deiwa dooh 5 Wicket. U Adrian Rymbai (37) wa u Soojal Roy (30) da kamai ki palat chi Run chi bol, katwa u Maremdor Sutnga (3/16) toh uwa lehbha dooh na kiwa kawang bol ka AJCA. U Kapri da yoh u yei naam Player-of-the-match.
Ka Ri-Bhoi, EKH waka AJCA da jop ki mar chisien.
