Ka West Khasi Hills da jop ko da 99 Run yaka South West Khasi Hills haka sngi wa ar ka Inter District U-19 Girls Cricket Tournament 2021 ka Meghalaya Cricket Association ha Nongstoin ynne ka sngi. Sa kawi won ka yalehke haka jooh hi ka Group B, ka Shillong Cricket Association da jop ko yaka South Garo Hills da 27 Run.
Haka yalehke wa nyngkong, ka WKH da kamai ko 165/9 na ki 20 Over (Icyful Mary Lyngkhoi 23; Banrisha Wahlang 3/15) katwa ka SWKH da ye ko wow kamai du 66 deiwa dooh lut ki Wicket, heiwa ka Player-of-the-match ka Risukdashisha Giri Marwein da yoh ko 4/27.
Haka yalehke wa bood, ki 78 Run na ki 58 bol ka Suriti Kumar Ray da pynyoh ko yaka SCA da 150/8 na ki 20 Over, heiwa ka Mary R Marak daka bol da yoh ko 3/26 yaka SGH. Ka SGH hawa e yei jubab da kamai ko da 123/8 (Marme M Sangma 35; Natasha Rabha 1/7). Ka Ray da yoh ko yei naam Player-of-the-match ya i 58 Run wei da yoh ko leh chi Wicket.
