I lehbha daka bol waka Bat da pynjop yaka East Khasi Hills pyrchah yaka South West Khasi Hills da 8 Wicket haka U-23 Boys Inter District Cricket Tournament wa pynman daka MCA ha Nongkhrah, Ri-Bhoi ynne ka sngi.
Kani toh ka yalehke hapoh ka Group B ka Zone 1 heiwa ka SWKH da jop ko yaka kylla khlem wei da jied ko wow Bat nyngkong.
Da ka bol, u Md Muskodul Choudhury (6/21) wa u Wankitlang Nongpluh (4/24) da pynhaap lut ki ya ki Wicket heiwa ka SWKH da ye ko wow kamai du 95 na 25.3 Over. U Thrangborlang L Marshillong da kamai u 32 na 44 bol (3×4, 1×6) deiwa kynchew lang u Costerfield Lyngdoh (15) wa u Pynshaipaul Lyngdoh (11) katwa kiwi ym em poi ki palat 10 Run.
Ka EKH hawa kdong yei thong da dooh ko ar Wicket yow jop ha ka 19.4 Over. U Winningstar Khongjoh da kamai boon dooh u deiwa yoh 34 katwa u Rohit K Yadav (30 Not Out) wa u Muskodul (22 Not Out) da pynjop ki.
Deiwa lehbha da ka Bat waka bol, u Muskodul da yoh u yei naam Man-of-the-match.
Mynstep ka yalehke haka Group A ka Zone 1 u man ko hapyrdi ka Shillong Cricket Association (B) waka East Jaintia CA. Katwa ha ka Zone 2, ka North Garo Hills daw yachem ko waka South Garo Hills.
