Meghalaya Games 2025: Da pyndep ya ki yalehke Semi Final ka bol ki chynrang wa kynthai

Ynne da pyndep ya ki yalehke Semi Final ka yalehbol ki Women Senior ka 6th Meghalaya Games 2025 wa da pynman ha Kiang Nangbah Stadium, Jowai.

Hei step, ka Ri-Bhoi da jop ko ya ka West Jaintia Hills da 2-0 kiwa thap da ka Daphisha Syngkli waka Pynibha Rangthaluh yow yoh u psiah Final biang kam ynnin u snem ha ka Meghalaya Games.

Ha ka Semi Final wa ar, ka East Khasi Hills da jop ko ya ka South West Khasi Hills da 2-1.

Ka Sanfida Nongrum da thap ko ya waroh ar tylli ki kool ka East Khasi Hills, katwa ka Darishisha Kharlyngdoh da thap ko ya ka South West Khasi Hills.

Related posts

Psiah Quarter Final ka Diengshynrum ha ka Meghalaya Women’s State League 2025

October 12, 2025

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Ini mut i wa ka Final u man ko hapyrdi ka Ri-Bhoi wa East Khasi.

Ha ki yong ki chynrang won ka Under-17, ka Ri-Bhoi da jop ko ya ka West Jaiñtia Hills deiwa yachut Tie-Breaker da 4-3.

Ka West Khasi Hills da jop ko ya ka Southwest Khasi Hills deiwa yachut Tie-Breaker hi da 5-4.

Ini mut i wa ka Ri-Bhoi daw yachem ko waka West Khasi Hills ha ka Final.

Kam wow pynkynmoo wa ka Ri-Bhoi ynnin u snem da jop ko ya ka Final ki chynrang wa kynthai.