Kam chibynta ka 6th Meghalaya Games 2025 da em ki yalehke wa har rukom wei na Ri-loom Jaiñtia leh da mih ki seiñ wow chimbynta ha kani ka lympung.
Heiyatoh wa kani ka lympung, da mih ka seiñ yalehke Wrestling kawa tip kam ka West Jaiñtia District Wrestling Association (WJDWA), ka seiñ kawa da sdang ha u Naichiphaw 2024.
Ha kani ka lympung hadooh ynnin ka sngi, kiwa yakhun Wrestling da yoh ki 5 tylli ki takma wa kynthup ya 3 tylli ki Takma Ksiar, wa 2 tylli ki Takma Tama.
Hawa yaklam wa u Phrangki Bareh, President ka WJDWA da e khublei u ya ka sorkar wa da pynman ya kani ka lympung ha Jowai deiwa jied leh wow pynman ya kani ka yalehke ha Jowai hi.
Chooh chooh da ong u wa i wan kani ka yalehke man i kyrkhu ya ka Ri-loom Jaiñtia neibhah wa ki tiar wa da wanrah heini ha ka lympung u neh hi ki heini hapoh District, deiwa pynsñiaw yei sñiaw diaw mynsien heiyatoh wa ki thaw wow booh ya kini ki tiar.
Khaddooh da kyntu leh ya ki paidbah wow man kiwa yaichah wow tia chaphrang ha kani ka yalehke khamtam ki khynnah deiwa kular leh wow khut ya ki bru ka seiñ na jylla wow sikai ki ya ki khynnah yong i ha kani ka yalehke khnang wow poi cha ka thong.
Discussion about this post