Meghalaya Games: Khlem em wa hikai yoh Takma Ksiar kawa na East Jaiñtia hei yah Cycle

Dang hei rta wa 21 snem, ka Phyrnai Kyndait kawa na East Jaiñtia Hills kawa dang puræ 4th Semester ka Bachelor of Arts, da pynyoo ko yei sap yah Cycle haka lympung ka 5th Meghalaya Games ha Tura.

I maya ka Phyrnai wow yah Cycle da mih i nadood wa dang khian heipor wa dang yah da ka Cycle le chaka wei neini da ku cha ka chibynta cha ki yalehke. Ha u snem 2022, da yoh ko yaka laad wow yakhun nyngkong dooh ha kawi ka lympung wa pynlai da ka West Jaiñtia Adventure Cycling Association ha Jowai.

Ha kani ka yakob da yoh ko yei jop deiwa yah Cycle na Jowai chadooh Amlarem wei ym em sangeh ko du heini, tangwa da ku ko leh ha ki kyrdan wa chajrong wot ha Mawkyrwat wa pynlai da ka Meghalaya Cycling Association.

Da yoh ko wow mihkhmat leh yaka jylla Meghalaya haka yakob MTB Tawang National CFI kawa da pynman ha Tawang, Arunachal Pradesh wei heini leh da yoh Takma Ksiar ko. I lai luti yong ka da sdang ko wow bna naam ym du ha chnong ko tangwa ha pyrthai leh.

Santosh Trophy: Psiah Quarter ka Meghalaya deiwa jop ya ka Goa

December 22, 2024

Sdang ka 3rd Interdong Padu Pyllun Football League

December 22, 2024

Ha u snem wa dep, ha ka yakhun ka 4th Meghalaya Games da yoh ko hei wa ar, wei ha uni u snem haka 5th Meghalaya Games da yoh won ko da ka Takma Ksiar ha ka yakhun yong ka XCO Women Open Category/Mass Start.

Ka Phyrnai da e khublei ko ya ka bei wa u pa wa kiwa ha-yung ha-sem khamtam ya u payu uwa da e mynsien ya ka hei lai luti ko kam ka kynthai. U payu ko leh uwa man kam uwa yah Cycle, da man u kam u paya wa skem neibynta yong ka wei lyngba yong oo da poi ko cha ka thong jop.

Ka Phyrnai ym jooh em randien ko nei eh wei jynjar wei hawa e yei klam da ong ko wa lada lai ko cha baar wow yakhun ha ki rynsan, da yachem ko wa kiwi kiwa yalehke kiwa chkheh bha wei lada nujor man ki leh kiwa rap biang ki tiar ki tar bar ya ki Cycle wa cheini wei ka kam kawa wan na ka manyung wym toh kawa yoh wa dap, da man i eh ya ka wow yoh da ki Cycle kiwa biang kamjooh ki tiar ki tar neidaw wa joor syad ki.

Yeini waroh da ye ko wow leh khlem iwon iwon i hikai, wei da lai ko samen kam ka kynthai wa yalehke wa yah Cycle wei da lai yah Cycle lang ko du wa ki paralok, wei man-i-step da jooh phet ko kamwa 5-10 Kilometer wei da jooh yah Cycle ko man-i-step wei heipor janmiet kamwa ar kynta.