Ka yakob siat khnam (Archery) da lai ko cha ka Final haka 5th Meghalaya Games ha waroh ki yakhun neibynta wow yaknieh yei naam wa jop ya waroh kawa daw pynman mynstep ka 20 tarik ha Montfort Centre of Education School, Tura.
Kiwa da poi cha ka Final haka Indian Round yong ki kynthai namo Women’s Team Event toh ka West Khasi Hills District waka East Khasi Hills District. Ha ki chynrang namo ka Men’s Team Event toh ka East Khasi Hills District waka South West Khasi Hills District.
Haka Mixed Team yong ka Recurve da psiah Final ka South West Khasi Hills District waka West Jaiñtia Hills, katwa haka Indian Round (Mixed Team) da psiah Final ka East Khasi Hills District waka Eastern West Khasi Hills District.
Ya ka Takma Tama yong ka Women’s Team Event kawa da pynman ynne ka ka sngi, da lum da ka Ri-Bhoi hadien wa jop ko yaka South Garo Hills District. Ka West Jaiñtia Hills District da yoh ko yaka Takma Tama haka Men’s Team Event hadien wa jop ko yaka West Khasi Hills District. Ka Ri Bhoi da yoh Takma Tama ko haka Mixed Team Event hadien wa jop ko yaka Eastern West Khasi Hills District. Haka Indian Round Mixed Team, ka West Khasi Hills District da yoh Takma Tama ko deiwa jop yaka Ri-Bhoi District.
Discussion about this post