Ki yalehbol ka 5th Meghalaya Games kiwa da sdang nadooh ka 11 tarik uni u bnai da poi noh ki cha ki cha ka Semi Final kiwa daw pynman haka 18 wa 19 tarik uni u bnai ha P.A Sangma Football Stadium, Tura.
Ha ki chynrang, ka East Khasi Hills daw yachem ko waka Ri-Bhoi katwa ka West Jaiñtia Hills daw yachem ko waka West Garo Hills.
Ha ki kynthai won, ka Eastern West Khasi Hills daw yachem ko waka Ri-Bhoi wei ha kawi won ka Semi, ka South West Khasi Hills daw yachem ko waka East Khasi Hills.
Ki kynthai ka East Khasi Hills da man ki kiwa khlan nadooh ka yalehke wa nyngkong deiwa ye u thap boon kool heiwa ha kawi ka yalehke da thap ki 18 kool.
Kam chibynta wow e laad ya kiwa yalehke wow maad yaka rynsan yalehke wa heh, ya kini ki yalehke wa khaddooh daw rah na Chandmari Football Field kawa man leh kam ka Artificial Synthetic Turf cha ka P.A. Sangma Football Stadium kawa man kam ka Natural Grass Turf.
Ki yakhun Final toh kiwa daw pyndep haka 20 tarik yong ki chynrang wa kynthai.
Kani ka yalehbol toh kawa da man kyrpang ya kiwa em 18 snem chapoh. Tangwa ha ki chynrang neiliang ka North Garo Hills ym em yoh bru ko katwa ha ki kynthai won, ka North Garo Hills wa South Garo Hills ym em chibynta ki, iwa mut da em 11 tylli ki District wa chimbynta yong ki chynrang wa 10 tylli won ha ki yong ki kynthai.
Discussion about this post