Ki kynthai ka South West Khasi Hills wa ki chynrang ka West Garo Hills da rah ki yei naam jop haka yakhun yaleh Volleyball ka 5th Meghalaya Games kawa da pynman ha Tura.
Ha ki yakhun Final wa da pynman ynne ka sngi, neiliang ki kynthai ka South West Khasi Hills da pynrem ki yaka South West Garo Hills da 3-0, (25-22, 25-11 wa 25-20). Katwa ka liang wa wan hei wa le toh ka East Khasi Hills District.
Hawa kyruiñ cha ki chynrang, ka West Garo Hills da jop ki yaka South West Khasi Hills da 3-0 (25-23, 25-13 wa 25-15). Hei wa le da yoh ka South West Garo Hills District.
Yei naam Best Player da ki chynrang da yoh u Chasarang Ch Sangma yong ka West Garo Hills uwa da man sakhiat uwa pnah bha hei yalehke wow yahkhmat yaka liang u chei jop. Katwa na ki kynthai yei naam Best Player da lai cha ka Tachi M Sangma yong ka South West Garo Hills.
Ya ki khusnaam da wan wow saam da u Hamlestson Dohling, uwa man leh kam uwa e buit u Montri Rangbah ka jylla.
Discussion about this post