Ynne da pyndep ya ki yalehke Badminton ka 5th Meghalaya Games heiwa waroh soo tylli ki Takma Ksiar da rah da ka East Khasi Hills.
Ha ka Girl’s Singles da yoh Takma Ksiar ka Netania Tariang na EKH kawa pynrem yaka Shimtihum na WKH. Yaka Takma Tama da yoh ka Nihaka Lamare waka Sengei Wasa D Shira.
Ha ka Girl’s Doubles sa chisien, ka Netania waka Carylnda Nongbri da jop ki yaka West Khasi Hills kiwa da mihkhmat da ka Shimtihun Lyngdoh waka Doreenzia Kharbani. Katwa yaka Takma Tama da yoh da ka West Jaiñtia Hills wa West Garo Hills.
Ha ki yalehke ki chynrang leh, ka EKH da jop biang ko waroh heiwa haka Boy’s Singles, u Raynel Kharbuki da jop u ya u Stephen Marwein katwa yaka Takma Tama da jop da u Mewan Lamkupar wa u Raymond Ronghang.
U Raynel da yalok u wa u Pratham Majumdar yow yoh Takam Ksiar biang deiwa jop ya kiwa yalehke ka West Jaiñtia Hills, kitæ u Banshabor Lamare wa u Lechan Suchiang. Yaka Takma Tama da yoh da kiwa yalehke ka Ri-Bhoi, u Babrean Momin wa u Raymond Ronghang wa kiwa yalehke ka WGH, u Gaurav Dutta wa u Biswajit Ghosh.
Discussion about this post