Meghalaya Games: Yoh Takma Ksiar ka East Jaiñtia, ka West Jaiñtia won ka Takma Tama hei yah Cycle

Ka yakob yah Cycle ka 5th Meghalaya Games da kut noh ki ynne hadien wa ki chynrang wa kynthai na kylleiñ ki District da wan ki chakhmat wow yakhun para ki yow man kiwa jop ya waroh kiwi yow poi cha ka thong.

Ki chynrang ka East wa West Khasi Hills kiwa yakhun haka Men’s Relay da jop ki yaka Takma Ksiar. Ha ka Mixed Relay, ka East Jaiñtia Hills da yoh ko yaka Takma Ksiar katwa ka South West Khasi Hills da yoh ki yaka Takma Rupa katwa ka West Jaiñtia Hills da yoh ki yaka Takma Tama ha ka yakhun wa pynman nadooh Rongkhon chadooh Darechikgre ha Tura.

Related posts

Jop uwa na Meghalaya ya ka Kettlebell World Championship ha Moldova

June 8, 2026

Hei sien nyngkong wa chimbynta ha ka MSL rah syndon ka Nongkseh yei naam Champion

June 5, 2026

Ha ka Downhill Hardtail Category, ka West Garo Hills da yoh ko yei jop deiwa pyndep yei yah Cycle heipor wa 5:58:98 wa da yah da u Evian Wanka Agitok Sangma. 

Ha ka Downhill Full Suspension Category, u Taitus Ch Marak na North Garo Hills da yoh u yaka Takma Ksiar deiwa pyndep heipor 4:59:15. Na East Khasi Hills, u Meban Aiboklang Suaim da yoh u yaka Takma Rupa deiwa pyndep yei yah heipor wa 05:05:78 wa u Aaronson Oniel Kharpuri na East Khasi Hills uwa da yoh yaka Takma Tama uwa da pyndep heipor wa 05:07:46.