Ka East Khasi Hills da pteiñ ko yei khur ya ki takma sa ha ka Badminton deiwa jop waroh soo tylli ki Takma Ksiar wa ye u jop ha ki yalehke yong ki kynthai wa chynrang.
Ha ka yalehke wa mar samen, ka Netania T Tariang da jop ko yaka Shimtihum Lyngdoh kawa na West Khasi Hills katwa yaka Takma Tama da lai cha ka West Jaintia Hills waka West Garo Hills.
Ha ka yalehke wa mar arngut, ka Netaniya da yalok ko waka Caralinda Nongbri yow jop yaka Shimtihum waka lok ko ka Doreenzia Kharbani. Ha ini leh, ka WGH waka WJH da yohlang ki yaka Takma Tama.
Ha ka yalehke wa mar samen ki chynrang, u Reynel Kharbuki da jop u ya u Stephan Marwein uwa na East Khasi Hills hi. Ya ka Takma Tama da yohlang da ka Eastern West Khasi Hills waka Ri-Bhoi.
U Reynel won da yalok u wa u Pratham Majumdar haka Boy’s Doubles Final yow pynrem ya u Banshabor Lamare wa u Lechan Suchiang kiwa na WJH kiwa da yoh Takma Rupa katwa yaka Takma Tama da yohlang ka Ri-Bhoi wa West Garo Hills.
Discussion about this post