May 17, 2023
Ka Niaw Wasa United da yoh ko ya ki Point wa nyngkong ha kani ka Meghalaya State League 2023 deiwa jop da 2-0 ya ka Rymbai Iawpynsing SC ynne ha Kiang Nangbah Stadium, Jowai hanla da hap yalehke da 10 ngut ki bru.
U Sandeep Siangshai (45’+3) da pyntam u ya ka Niaw Wasa chwa wow kut ka kylla step katwa u Dashngain Sukhlain (82′) da pyntikna u yei jop ha kani ka Group B.
Ynne da pynman du kani donhi ka yalehke katwa ha kiwi ki Group da yoh ki wow chong sngi.
Ka Niaw Wasa da chah pynhiar ko cha 10 ngut kiwa yalehke ha ka minit wa 66 hadien wa chah beh u Skhemthik Salahe hadien wa da chah maham u arsien.
Ki yalehke mynstep:
Group A, Shillong- Jyntru FC Vs Umrit SC, 3:00 PM
Group B, Jowai- Sein Pynbhalang SC Vs Rangdajied United FC, 2:30 PM
Group C, Mawkyrwat- Ym pynman yalehke
Group D, Tura – Warima Youth Club Vs Selsella Sports Association, 3:00 PM
