theme-sticky-logo-alt
theme-logo-alt

Meghalaya State League: Khlem em wa jop hapyrdi ka Ladthadlaboh waka Rangdajied

Ka Khliehmawlieh Youth Club da sdang ko yei lai luti ha ka Meghalaya State League 2023 deiwa jop suk da 7-1 ha ka Group D pyrchah ya ka Atong Matgrik FC ha Chandmari Ground, Tura ynne ka sngi.

Ha kiwi ki ar tylli ki yalehke, ka Rangdajied United FC da chah ksoh ko da 1-1 ha ka Ladthadlaboh SC ha madan Kiang Nangbah Stadium hapoh ka Group B ha Jowai, katwa ka Langsning FC won da jop ko ya ka Umkseh SC da 3-1 ha ka Group A ha Shillong.

Ha ka yalehke ha Jowai, ka Rangdajied da thap kool nyngkong ko lyngba u Knerktilang Buam ha ka minit wa 12 kawa da chut u na jngai bha hadien wym biang i rukom pynlait bol ka Ladthadlaboh wei da chut u na 30 Yard.

Hadien 20 minit, ka Ladthadlaboh da ye kow wo su kylliang lyngba u Ebanskhem Nongtdu ha ka minit wa 31.

Mynstep daw em du kawi donhi ka yalehke katæ hapyrdi ka Rymbai Iawpynsin SC wak Niaw Wasa United heipor 2:30 i sngi ha Kiang Nangbah Stadium, Jowai.

Share this:
Previous

Sa chi phut u duna um ha Umiam da hap chong khlem bordiñ: AT Mondal

Next

Daw sylli bniah ka IIT Guwahati ya ka yingkieñ Umiam