Ka Shillong Lajong da pynrem ko da 3-1 ya ka Rangdajied United ha ka yalehke Quarter Final wa nyngkong ka Meghalaya State League 2024 wa da pynman ha Wahiajer Sports Complex ynne ka sngi yow yoh ko u psiah Semi Final.
Ini mut i wa da kut i lai luti ka Rangdajied kawa man kam ka Defending Champion.
Ka Rangdajied da yoh ko wow thap nyngkong lyngba u Ieitlang Syiemlieh (4′) tangwa ki ar kool na u Iohborlang L Lyngkhoi’s (7’P, 62′) neibynta ka Lajong wa kawi kawa thap bakla uwa yalehke ka Rangdajied, u Manbhakupar Iawphniaw (87′) da pynkut ko ya ka yalehke da 3-1.
Kani da man ko ka sien wa soo wa yachem kini ki ar liang ha ka MSL heiwa ka Lajong da tam ko da 3-1.
U Iohborlang da yoh u leh yei naam Player of the Match wa da saam da u MLA ka Jowai, u Wailadmiki Shylla.
Ki ar tylli ki Quarter Final wa bood daw pynman ha kani ka 11 tarik heiwa kawi toh ha Khliehriat, East Jaiñtia Hills heiwa ka Sutnga daw yachem ko wa ka Ladthadlaboh katwa ha Shillong won daw yachem ka Mawlai wa Khliehmawlieh wei waroh ar ki yalehke u sdang ki heipor 1:00 waje i sngi.
Discussion about this post