Ki yalehke Semi Final ka Meghalaya Youth League 2024 da pyndep ki ynne ka sngi neibynta waroh ka U-14 wa U-16 heiwa ya ka Final daw pynman ha kani ka sngi Thohdieñ.
Ha ka U-14 ka Final u man ko hapyrdi ka West Jaiñtia District Sports Association waka Nongstoin District Sports Association, katwa ha ka U-16 ka Shillong Sports Association daw yachem ko waka Ri-Bhoi District Sports Association.
Hawa kyruiñ cha ki yalehke Semi Final ynne ka sngi, ya ka U-14 da pynman ha madan ka MFA ha Polo heiwa ka yalehke hapyrdi West Jaiñtia DSA waka Shillong SA kawa da kut da 0-0, wei da pynman da ka yachut Penalty heiwa jop ka West Jaiñtia da 4-3.
Ka Nongstoin DSA won da jop ko da 1-0 ya ka Ri-Bhoi DSA da ka kool wa thap u Refel Markwius Wanniang (45′).
Ki Semi Final ka U-16 da pynman ha madan ka Sports Authority of India Centre ha NEHU.
Ka Shillong SA da ye ko wow jop da 4-1 ya ka West Jaiñtia DSA katwa ka Ri-Bhoi da jop ko da 3-2 ya ka Nongstoin.
Ki yalehke Final waroh ar tylli daw pynman ha SSA Stadium wa em ha First Ground, Polo. Ka U-14 daw sdang ko heipor 11:00 waje i step wei daw pynbood da ka U-16 heipor 2:00 waje.
Ka bai psiah man ko dei mynkna ya waroh.
Discussion about this post