Ki yalehke ka Meghalaya Youth League 2024 da ye wow pyndep ya kiwa boon ynnin yow jied ya kiwa yoh u psiah Quarter Final hanla em ki kattu katni kiwa daw hap yang hadooh ka 28 tarik kiwa hapoh ka Zone C neidaw wa em ki yalehke wa hap wow kyrriah tarik.
Ha ka Zone B, u Dayoohimi Laloo da yoh Hat-Trick u ya ka West Jaiñtia District Sports Association (WJDSA) ha ka yalehke U-14 yow jop da 3-0 ya ka Saipung Block Sports Association. Katwa ka Amlarem Block Sports Association da jop ko ya ka East Jaiñtia District Football Association da 4-0.
Ha ka U-16, ka West Jaiñtia da jop ko da 7-0 ya ka Saipung, deiwa yoh Hat-Trick da u Serene Dkhar, katwa ka Amlarem da jop ko ya ka East Jaiñtia da 3-0.
Ka WJDSA da yoh nyngong ko katwa ka Amlarem da yoh wa ar ko ha ka U-14 tangwa ka Amlarem dang yaknieh ko waka Saipung ha ka U-16 wei dei jop ka Amlarem wei rem ka Saipung da pynman ya ka Amlarem wow yoh wa ar ko ha ka U-16.
Da ini mut i wa ka WJDSA wa Amlarem da yoh ki wow psiah Quarter Final kiwa daw sdang ha u bnai wow wan.
Ka U-14 Result ha ka 21 tarik u September:
Zone B – West Jaintia District Sports Association 3 – 0 Saipung Block Sports Association
Zone B – Amlarem Block Sports Association 4 – 0 East Jaintia District Football Association
Zone C – Shillong Sports Association 11 – 0 Riwar Mihngi Football Association
Zone D – Mawshynrut Sports Association 0 – 3 Mawkyrwat District Sports Association
Zone D – Pyndengumiong District Sports Association 0 – 0 Eastern Border Sports Association
Zone D – Nongstoin District Sport Association 8 – 0 Tyrsad Area Sports Association
Ka U-16 results ha ka 21 tarik u September:
Zone B – West Jaintia District Sports Association 7 – 0 Saipung Block Sports Association
Zone B – Amlarem Block Sports Association 3 – 0 East Jaintia District Football Association
Zone C – Shillong Sports Association 6 – 1 Riwar Mihngi Football Association
Zone C – Western Ri-Bhoi Sports Association 4 – 1 Sohra Sports Association
Zone D – Mawshynrut Sports Association 1 – 0 Mawkyrwat District Sports Association
Zone D – Pyndengumiong District Sports Association 2 – 0 Eastern Border Sports Association
Zone D – Nongstoin District Sport Association 1 – 1 Tyrsad Area Sports Association
Discussion about this post