theme-sticky-logo-alt
theme-logo-alt
Advertisement ad1

Men’s U-25 State A Trophy: Jop ka Meghalaya ya ka Sikkim da 9 Wicket

Advertisement ad1
Advertisement ad1

I lehbha kiwa yalehke ka Meghalaya ha waroh ki liang da pynjop suk ki ya ka Sikkim da 9 Wicket ha ka yalehke wa sdang ka Men’s U-25 State A Trophy 50-Overs kawa pynman ha Guwahati ynne ka sngi.

Ka Meghalaya da jop ko ya ka kylla khlem heiwa da jied ko wow phah Bat nyngkong ya ka Sikkim da u Captain Abhishek Gupta kawa da man leh ka rai kawa biang.

Advertisement ad1

U Agreas Chamcham Sangma da kawang bol u waroh ki 10 Over deiwa chah kamai 16 Run wei da pynhaap u 3 Wicket. U Bibek Poudel da ki 8 bol uwa da wan ha wakut da yoh u 2/1, u Mukesh Kumar Ray (2/17) wa u Abhishek Kumar (2/23) toh kiwa da yoh mar ar Wicket. U Lokesh Turaha toh sa uwi uwa kawang bol wa da pynemkaam ka Meghalaya uwa da yoh u 1/15 yow pynhaap lut ya ki Wicket ka Sikkim kawa kamai 86 Run na ki 35.2 Over.

Ka Meghalaya da dooh ko chi Wicket hawa kdaong yei thong deiwa yoh 89/1 na ki 15.2 Over.

Na kiwa Bat ka Meghalaya, u Arien B Sangma toh uwa da kmai smat hawa sdang heiwa u Gupta da sdang u wow kamai smat rap hadien yow yoh boon dooh da 41 Run wa kynthup ya 7 tylli ki 4 Run na ki 50 bol, katwa u Arien da yoh u 29 Not Out wa kynthup ya ki 5 tylli ki 4 Run na ki 39 bol. Kini ki arngut deilang da kamai ki 79 Run ya ka Meghalaya.

Ka Meghalaya kattu daw yachem ko waka Nagaland ha kani ka 20 tarik.

Share this:
Previous

Jop ka Newhill ya ka Khliehchnong Ialong ha ka 18 Above ka WJDSA

Next

Da sdang saam ya ki Household Bin ha Jowai yow pynkhlaad yei jhep pyn na yung