15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

MePDCL – wyrai ya ki khynnah wa pynkhreh exam na Ri-loom Jaiñtia: JSU

0 Comments
Advertisement ad1

Jowai: Ka Jaiñtia Students Union -Jowai Circle da pyntip ko wa hadien wa yoh ujor na ki manbei manpa wa da tynyap ya ka bordiñ man ka sngi khamtam heipor step nadooh 3:00 waje hadooh 5:00 waje da ktah bha i ya ki khynnah wa dang pynkhreh ya ki exam wa ha rukom ki wow man ha kini ki bnai wow wan.

Neiliang ka seiñ kawa pait yei bha i miat ki khynnah hadien wa thooh yutip ko da chem ko wa da pynkrehkaam ya ka Load Shedding nadooh 3:00 waje hadooh 5:00 waje i step hapoh ri-loom Jaiñtia (wa kynthup ya ka West wa East Jaiñtia Hills), da ong u Jordan Rymbai wa man kam u President ka JSU-Jowai Circle.

U Jordan da ong u wa ini i tympleh ya ka bordiñ namo i pynkrehkaam ya ka Load Shedding ha kini ki kynta daw ktah joor bha i ya ki khynnah khamtam ha kini ki por wa da jan ka exam yong ki.

Kamtæ neiliang ka seiñ da kyntu ko ya ki MLA wa ki montri ka sorkar jylla na ka thaaiñ khamtam ya ka MePDCL wow chimkhia yeini dei mynsien wyrai ya ki khynnah kiwa pynkhreh ya ki exam yong ki kiwa man leh ka mynried yong ka jaitbru wa ka ri waroh kawi.

Advertisement ad1

0 Comments

Leave a Reply