Jowai: Ynne ka Seiñraij Niamtre Ummulong da pyndep ko ya Kñia Ryngkaw kawa tip leh kam ka Kñia Pynsum Kule kawa jooh pyndep leh chisien 5 snem namo chong ha i emkaam katkam wa da dawa i kaam.
Ynne i step ki khon ka Seiñraij Ummulong kiwa da wan najan na jngai da yachem ki ha Yungwalieh ka Seiñraij Ummulong wei hadien ini da lai yonglang ki cha i thaw wa khut kam i Pynsum Kule heithaw wa em kawi ka um kawa kheiñ kyntang ki khon ka Seiñraij Ummulong.
Ya kani ka lehniam da leh kam ka dak wow engooh ya ki blai ki syiem, ki blai Ryngkaw ki Tawiar Takan kiwa kær wa da ya ka chnong ka thaw kamjooh leh wow engooh ya ki khlawait ka Elaka Jowai.
Ha kani ka lehniam da engooh ya ka Syiem Kupli, u Loomtrep Loomskum, Loom Wyrlang, Loom Nawania, da e ngooh leh ya ki khlawait ka Elaka Jowai u Iang Toi, u Bula Toi, u Tonkha Laloo wa u Buikha Laloo kiwa da yaleh wow pynneh ya ka Hima Jaiñtia pyrchah ya u syiem ka hima Malangning u Mailong Raja.
Da ong wa kani ka Kñia man ko kawa emkaam bha ha ka Chnong ka Raij ka wow da wow kær na ki chitom ki saja, ki eh ki khoo wei wow yada ya ki mynsien wa em liang wanang.
Ka Kñia ha kani ka sngi man ko kawa miat wa bha ki dak ki chin wow wanrah yei roi i paar.
Da wan sakhi ya kani ka lehniam da u Dolloi ka Elaka Jowai u Puramon Kynjing, u President ka Seiñraij Jowai u O.R. Challam, wa kiwi kiwi.
Da knia ya ki syiar, u sniang, ka blang wa u dathli le chnat.
Discussion about this post