Mih biang i kreh habra ka NIOS hei pynmih result yong kiwa sikai skur

Jowai: Hadien wa pynmih result biang ka NIOS ya ka 2 Year Diploma in Elementary Education (D.El.Ed) yong ka 2013-15 batch ha ka 22 tarik uni u bnai, da chem biang wa dap ko du i bakla.

Da em kiwa yoh chi marks ar marks ha ka School Base Activity (SBA), Workshop Base Activity wa ka Practice Teaching, da em won kiwa yoh marksheet ki wym che ki dak na ka Website ka NIOS, da em leh kiwa chah thoh Absent (Ab) ha ki subject wa yaleh ki hanlada ki em hi ki, da em won kiwa yaleh biang ya kani ki exam ha ki subject wa fail ki wei ya ka result yong ki da pynbna ha ka 8 tarik uni u bnai wei ki da pass ki tangwa ha ka result wa pynmih biang ha kani ka 22 tarik won ki marks yong ki da wiar ki wei da thoh “Subject Yet To Clear.” Ha i pyrtuid ki bei ki pa yong kiwa yaleh exam da booh dei pyrtuid kiwa yaleh.

Ki dkhot ka Central Executive Committee (CEC) ka Meghalaya SSA School Association (MSSASA) da lai hiar ki cha ka yungkrehkaam ka NIOS wei da pyrchang ki u yachem wa ka Dr. D. Pyrbot kawa man kam ka Nodal Officer ka NIOS da chem wa ka kamra kreh toh kawa da khang tylla wei kiwa kreh ong ki wa chim chuti ko wei ym tip ki mynnu u wan kreh biang ko.

U T.G. Momin u Director ka, Directorate of Educational Research and Training (DERT) da ong u wa ymtip u iyi iyi leh hei yatoh wa ini neibhah ka DERT ka yarap donhi ya ka NIOS ymtoh kawa pynmih ya ka result.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

U president ka seiñ u Aristotle Rymbai da pyntip u leh wa ha ka Notice Board ka NIOS da thoh wa waroh ki Trainees wa Fail haap su biang ki ya ka bai Exam cha ka Regional Centre yong ka NIOS ha Guwahati lyngba ki Demand Draft nadooh ka chi tarik u Naiynniaw neibynta ka Oct-Nov Exam 2017.

Kam wow pynkynmoo ka Sorkar Jylla ha u snem 2013 da soi soskular ko wa ka NIOS yow e sikai pynbniah ya ki 7822 ngut kiwa sikai ha ka kyrdan Elementary Level kiwa kynthup nadooh kiwa sikai SSA, Adhoc, Deficit wa Government heiwa  4385 da pynpsiah ha ka 1st Batch (2013) wa 3437 ngut ha ka 2nd Batch (2014).

Da pynman boon ki yakhih yong kiwa sikai (trainees) wa da yah khmat da ka Meghalaya SSA School Association (MSSASA) ha u snem wa da dep weh kamjooh ha uni u snem hei yatoh wa thurmur wa i pynmih result NIOS ya ki 1st Batch (2013) 2 year D.El.Ed exams 2015.

Also Read: Pynmih result tangdep ya NIOS ya ka course D.El.Ed