Shillong: Ki arngut na ri-loom Jaiñtia ka Dakahi Kyndait wa u Marso Kyndait da jop ki ya ka Shillong Triathlon ynne ka sngi wa pynman ha Shillong.
Kani ka Triathlon toh kawa sdang nygkong deiwa ympa 250 Meter (5 Laps), yah bicycle 3Km wei pynbood sa i phet wa 7 Km.
Yei ympa da pynman ha Saw Aiom Swimming Pool, Langkyrding wei mar ya dep ini da ku won sa ha ki Bicycle wei da lai lyngba Langkyrding, Golflink, PTS Mawroh hadooh wa poi IFCS. Hadien wa hiar na ki cycle da phet won lyngba Polo, Polo Market, da skit ya ka Raj Bhavan neitæ da lai na khmat yung krehkaam ka BSNL wei da pynkut ha State Central Library.
Ka Dakahi toh kawa na Mukha Ialong wei da dep ko leh u chimbynta ha ka Marathon wa pynman ha Delhi wei da yoh ki hei wa ar katwa ha ka Marathon wa pynman ha Kolkata da yoh ko heiwa le.
Ka da dep mihkhmat ko leh ya ka jylla ha ka North East Games kawa dep pynman ha Itanagar, Arunachal Pradesh.
U Marso won toh uwa na Sabahmuswang wei da jooh chimbynta u ha ki yakop ka kyrdan wa ha khlieh dooh ka ri (national Level).
Ya kani ka Triathlon da pynman da ka Meghalaya Aquatic Sports Association deilang waka Department of Sports and Youth Affairs.
Discussion about this post