15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Mih i awri ha Mowkaiaw ynne ka sngi neidaw ka Election MDC

0 Comments

Jowai: Ynne ka sngi da mih i tympiah tympra wa i awri awra ha Mowkaiaw mar ya pynbna wa jop u Winning G Sungoh uwa man u kyrtong ka UDP na ka 14-Mowkaiaw Constituency, wei da mih syndet i awri heiwa da tympiah tympra ya ki kari wa ki yung ki sem ha kani ka chnong. 

Mar ya tip yeini neiliang ki bor pulit wa kynthup ya u S.P. u Lakador Syiem, u magistrate F.B.Basan wa ki pulit da hiar ki cha kani ka chnong.

Advertisement ad1

Hawa yaklam wa kiwa chong chnong da ong ki wa ini waroh da jia i mar tip wa jop u Winning G Sungoh uwa na ka chnong Mowtyrshiah uwa da pynrem ya u Heirtami Suting u kyrtong ka NPP uwa na Mowkaiaw, wei ki bru da pynbaad ki wa uwa emkti wow leh ya ini i kaam toh ki bru u kyrtong wa rem. 

Neiliang u Chairman VDP Chnong u Whomaialang Lapasam da pyntip u wa i awri da sdang i nadooh i miet ka sngi thap Vote.

U SP ka West Jaiñtia Hills District, u Lakador Syiem da pyntip u wa hadooh kamwa 14 tylli ki manyung wa da chah ktah wa kamwa 5 tylli ki kari.

Previous
Next

0 Comments

Leave a Reply