Mih i dawa wow thap lang ya ki Dorbar Kur hapoh ka Sixth Schedule

Ka Dorbar Ki Waheh Kur Ka Ri Jaiñtia ha ka 10 tarik uni u bnai da pynman ko yei yachem lang ki Waheh Kur ka East Jaiñtia Hills ha Community Hall ka Khliehriat West kawa pynlai da u D. Donstan Khonglah heiwa da pdiang burom da u Jesper Bareh.

Ha kani ka yalang da khana ya ki yurim wa yieñ wei seiñ ya Ka Dorbar Waheh Kur Ri Jaiñtia wow kyrpaad ya ka JHADC yow tipmit noh ya ki kur wa em hapoh u pood ka Council khnang wa kiwi tawon ki jaitbru ym yoh laad ki u paan Schedule Tribe Certificate kulmar wei wym hoi u e ya kani ka Certificate cha ki jait kur ki wym chim yei jait ka bei.

Ha kani ka yalang da khana wa dadep phah ya ka chithi cha ka JHADC wow e por hapoh chi bnai wow tipmit noh ya ki Seiñ Kur wa ki Waheh Kur wei dadep leh wow thoh cha ki DC ka East wa West Jaiñtia wym toh u e kulmar ya ki ST Certificate ki wym toh ki jaitbru ri-loom ki District.

Hadien ini, ka JHADC da pynbna wei da pymih ko ya ka Notification cha waroh ki Seiñ Kur kamjooh ki Waheh Kur wow wan pyntipmit ki wei kitu ki wym pu em Seiñ Kur leh wow sdang ki wei wow leh yeini hapoh ar bnai.

Ha kani ka sngi da yoh leh yei klam na u Khoo Lamsalanki Pariat, President, na ki General Secretary ki Seiñ Kur wa kiwi de kiwa da emlang ha kani ka yalang.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Da yoh leh i klam na u Erwin K Syiem Sutnga chaphang ka Sixth Schedule, kamjooh na u Acting President Ka Synjuk Ki Rangbah Shnong Ka Bri u Hynñiewtrep.

Hawa kut ka yalang da chim ya ka rai wow thoh cha ka Secretary ka JHADC wa cha ka Executive Committee ka JHADC wow sñiawbha ki u pynpsiah ya ki Dorbar Kur wa ka Dorbar Ki Waheh Kur Ka Ri Jaiñtia hapoh i pynkylla namo ka Amendment ka Sixth Schedule.