Katwa ka lehniam Durga Puja dang lai ko chaphrang, iwi i dur da pynkhyrngiat i ya kiwa boon ha Social Media heiwa da yoo ya i dur u CEO ka Tesla, u Elon Musk kam iwi na i khlieh u Rabon (Ravan).
I dur u da mih ki ha kiwa boon ki Billboard ka sorbah Lucknow, Uttar Pradesh chirup wa ki heh saiñ hima na India wa na baar ri.
Ya ki dur da booh deiwa thoh ya ki kyntien “Bharat Virodhi Dashanan Ravan”, kiwa mut ki bru wa pyrchah ya ka ri ha ki chiphaw khlieh u Rabon.
Kam ka dak i lehniam ha ka sngi pynkut ya ka Dussehra, daw lehkmen yei jop i bha yei sih deiwa thang ya i dur bula u Rabon ha kiwa boon ki bynta ka India.
Ha i dur Rabon da em 10 tylli ki dur ki khlieh wa pynyoo ya ki bru na ki seiñ wa ki ri wa pyrchah ya ka India.
Ki dur wa da booh toh u heh ka Congress, u Rahul Gandhi, u heh ka Samajwadi Party, u Akhilesh Yadav, u MP warim u Atiq Ahmad, u MLA warim u Mukhtar Ansari, u Elon Musk, ka Congresswoman ka US ka Ilhan Omar, u heh ka Bangladesh, u Muhammad Yunus, u heh spah u George Soros wa u Lawyer u Prashant Bhushan.
Discussion about this post