Mih i dur yong kiwa suba siat ya u Tiger Shroff

I dur yong ki bru wa suba wa siat ya u Actor ka Bollywood, u Tiger Shroff ha Mumbai da mih pyrthai i heiwa ki pulit dang pait ki ya ki Video CCTV na ki thaw wa marjan wow chem ya ki. 

Ha i dur da yoo ya ar ngut wa sap sula rong lieh wei uwi toh uwa sap tupri rong yong wa em ka chaap Puma.

ADVERTISEMENT

U Tiger da takha u malum malæ hadien wa chah siat ka kari wa chong u ha Pushpa Park wa em ha Juhu ka sorbah Mumbai heiwa da liwan u hadien wa yalehke Football.

Ki pulit da ong ki wa ha ini da mynsoo ar ngut heiwa u Firdos uwa yah ya ka kari u Tiger da toh kuli u na kti katwa uwa yah Auto Rickshaw won na kpoh wei da kit noh ya ki cha thaw sumaar. 

Related posts

Khut ka Khimusniang ya kiwa kwah u thied ya ka Khruk Khruk, Pynskit (Poisa) wa Fast Food

October 19, 2026

Yoh ka Datngenlut Suchiang ya i kyrdan Ph.D

October 19, 2026

Neiliang ka Mumbai Police da thung ki ya ki 15 tylli ki Team wow thooh ya kiwa suba emkti wow siat ya u Tiger. 

Kam wow pynkynmoo wa ki bru ka Lawrence Bisnoi Gang da kam ki wa emkti u leh yeini wei da maham ki leh ya kiwon kiwon kiwa ya krehlang wa u Salman Khan wa ki leh daw jia kamni ya ki.