Ka Shillong Unit ka Hynniewtrep Integrated Territorial Organisation (HITO) da pynsñiaw ko yei pyrchah yei khut khang dukan ha Shillong deiwa thoh leh cha ka DC ka East Khasi Hills, wei yeini da khut pynman da ka Shillong Citizens Forum yow leh yeini kam ka dak wow pynyoo yei yatylli wei sñiawlem ya kitu kiwa yap ha Pahalgam.
Ka HITO da ong ko wa ka leh sñiawsih hi ko yeiwa jia tangwa toh u leh dei monsñiawbha ymtoh da kani ka rukom wow phah ya waroh wow leh yeini i khang dukan.
Da e nongmuna ya kiwa chong chnong ka Kashmir kiwa da khang ya ki dukan ki khlem da em wa pynbor.
Heiyatoh wa kani ka Shillong Citizens Forum, neiliang ka seiñ da ong ko wa da pynlai ya ka da uwi uwa em khih samen ha Police Bazaar tangwa uwa boon wa em cha Kolkata wei yei kaam yong oo da leh da ki kattu katni. Kamtæ da suba wym em khooid ini i thmu kani ka Forum neibynta i bha i miat ki paidbah.
Da maham leh ya ki bor District wa hap ki wow kitkhlieh lada jia iwon iwon wa leh dei bor wow phah khang ya ki dukan.
Neiliang ka Meghalaya Pradesh Mahila Congress leh da pynsñiaw ko yei sñiawkhia wei pyrchah yeini wow khang ya ki dukan dukdoh neibhah daw ktah ko ya kiwa im ja deiwa dai dukan kamjooh ki paidbah ha kini ki por wa ku dor ki mar ki mata.
Da beiñ leh yeini neibhah da leh khlem da yaklam chwa wa ki paidbah næ khlem da mynjur ki paidbah.
Yeini i khang dukan da yoh kyrchaan na ka Bara Bazar Merchants’ and Shopkeepers’ Association deilang ka BJP Meghalaya kiwa da e yei kyrchaan ya ka Shillong Citizens’ Forum’s yow khang dukan ha waroh kawi ka Shillong yow pyrchah yeiwa jia ha Pahalgam.
Discussion about this post