15 49.0138 8.38624 1 0 4000 1 https://wyrta.com 300 0

Mih i sur wow beiñ ya ka Congress ha ka yalang ka NPP ynne ka sngi

0 Comments

Jowai: U kyrtong ka NPP na 3-Raliang Constituency u Coming One Ymbon ynne ka sngi ha ka yalang ka NPP wa pynman ha Jowai da ong u wa hanlada la arsien jop MLA u wei emlang u wa ka Congress da mih noh u naka neidaw wym biang i rukom kreh u Dr. Mukul Sangma.

Da ong u leh wa mut u wow pynbiej paidbah lyngba ka Livestock Mission deiwa e T. 5,000 wei da leh u leh ya ini hadien wa kut ka 5 snem iwa chongdor du katwon donhi lada kheiñ ha ka 5 snem.

Advertisement ad1

Da ong u leh wa toh hi wa u Dr. Mukul Sangma man u Montri Rangbah ka Ampati donhi ymtoh yong ka jylla waroh ka wi.

Neiliang u Wailadmiki Shylla won da ong u wa ka ri-loom Jaiñtia toh kawa chah ieh beiñ bha heiwa cha ri-loom Garo wa ha ri-loom Khasi da booh ya ki Engineering wa ki Medical College katwa cha i cha ri-loom Jaiñtia ym em poi iyi iyi leh.

U Sniawbhalang Dhar won da yaroh u ya u Conrad Sangma wei da ong u leh wa embhah wow yoh National President ka Party pyn napoh ka jylla wei man u leh u MP na ki jylla thaiñ mihsngi wa nood u klam hapoh Parliament katwa kiwa boon ym nood ki kam oo.

Da kyntu u leh ya ki paidbah wow kyrchaan ki ya ka NPP yow poi cha ka jop wa boon yow yoh u chna sorkar.

Advertisement ad1

0 Comments

Leave a Reply