Ampati: U Deputy Commissioner ka South West Garo Hills, u C.V. Darlong Diengdoh da kyntu u ya waroh wow man kiwa pyrchah ya ki kaam wa man pyrchah ya ki kynthai khamtam ki khynnah deiwa kyntu wa emkaam wow man kiwa yakrehlang wa ki bor ka aiñ khnang wow ye u wanrah yei hok wei wow pynchitom ya kiwa emkti ha kam kini ki kaam.
Yeini da klam u ha ka yalang leh warom ya ka International Women’s Day ha Zikzak ynne ka sngi, heiwa da ong u leh wa ki manyung mansem em ki ka bynta wa khroo bha wow pynsñiawthooh ya ki chynrang chaphang ki kaam wa man pyrchah ya ki kynthai wa ki khynnah wei wow kheiñ ya ki kynthai kamwa da kheiñ burom ya ki ha yung ha sem.
Ya kani ka yalang da pynman da ka District Social Welfare Office, South West Garo Hills heiwa da wan yachimbynta da ki spah ngut ki manbei na Zikzak, Mahendraganj wa kiwi ki chnong kamjooh leh ki heh sorkar, ki nNkma, ki seiñbhalang wa kiwi kiwi.
Ha kani ka yalang da yoh leh yei klam na ki sahep kam u BDO, Zikzak C&RD Block, S.R. Marak wa ka District Social Welfare Officer, Ampati, Linda J. Sangma wa kiwi kiwi.
Hadien ini da em ka esikai hajrong ka phang yong kani ka sngi kawa ong “Press for Progress” heiwa ka DCPO ka District Child Protection Unit, Ampati, ka Tanveera M. Sangma da e klam ko hajrong ka aiñ Prostitution & Immoral Trafficking (Prevention) Act wa LCPO katwa ka Tanya Derimchi Marak kawa da esikai ko hajrong ka hok yong ki kynthai wa kiwi kiwi.
Discussion about this post