15 49.0138 8.38624 1 0 4000 1 https://wyrta.com 300 0

Mih i wym yahun mynsien ha pyrdi ka MSSASA wa ka NIOS

0 Comments
Advertisement ad1

Jowai : Neidaw wa kreh arsap wei wym chimkhia kiwa pyllai ya ka NIOS ya ka result yong ki 4,385 ngut kiwa sikai wa pynbniah yei rukom sikai yong ki deiwa puræ ki ya ka ka Diploma in Elementary Education (D.El.Ed) ha u snem 2013-15 kiwa kynthup ya kiwa sikai SSA, Government, Ad-hoc wa ki Deficit kiwa sikai ha ka kyrdan elementary level, ka  Meghalaya SSA School Association (MSSASA) Central Body da rai ki wow pynman da ka chong kyllaiñ mynngor ha khmat yong ka ophis krehkaam ka NIOS Shillong kawa em ha Laitumkhrah ha ophis yong ka Directorate of Educational Research & Training (DERT) Shillong ha ka 24 wa 25 tarik uni u bnai.

U Aristotle C. Rymbai President ka MSSASA Central Body da pyntip u wa da chim ya kani ka rai ha ka CEC yong ka MSSASA kawa pynman ha ka 12 tarik uni u bnai.

“Lada ki bor pyllai ka NIOS ym ye ki u pynbiang ya ki dawa ka seiñ kiwa kynthup yow pynbait ya iwa boon i bakla hei yatoh wa ka result wei wow pynyinsur noh yei por wow pyndap form lada em kiwa sikai wa ym lait ya ka exam; wei yeini toh u pyndep hapoh chi tayaw iwa mut ha ka 23 tarik uni u bnai wei lada ka NIOS ym ye ko u leh yeini daw lai bait ka chong kyllaiñ mynngor ha ka 24 wa 25 tarik nadooh 11:30 i step.”

U H.M. Marbaniang General Secretary ka MSSASA Central Body da ong u leh wa ini i leh thurmur ka NIOS da ktah joor ko ya kini ki 4385 kiwa sikai wa da su da ka sorkar yow pynbniah yei rukom sikai ki wei pyn da ka sorkar wa jied wow kreh lang wa ka NIOS yow pyndep kiwa sikai ya ka D.El.Ed tangwa da man i iwa sepai neibhah ya ka result ym pynmih de, wei ya kiwa da pass kiwa da toh u ku tulop leh ym yoh de ki ya ka tulop wa da dep pynku.

Also Read: Pynmih result tangdep ya NIOS ya ka course D.El.Ed

Advertisement ad1

0 Comments

Leave a Reply