15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Mih i ya kynroi hapyrdi u James Sangma wa uwa thoh khubor

0 Comments
Advertisement ad1

Shillong: Ha iwi i jia ynne ka sngi, u montri kaam pohyung ka Meghalaya, u James K Sangma da kynroi u ya uwi uwa thoh khubor uwa da rangbah, du na i daw wym kwah u wow jubab næ klam iyi iyi leh cha ki laad pathai khubor.

U James da sdang u wow thooh kynroi ya kiwa thoh khubor da iwa ong u ya uwi na kiwa thoh khubor ‘Ileh kah luti mi nga?’ hawa paan por ki kajiak wow yaklam. Ha chwa ya ini, neiliang kiwa thoh khubor da phah ki yei thoh (Slip) ha kamra yong u montri yow yachem, tangwa neidaw wa u montri dang em yalang u wa ki sahep ki chnat wa pait u, kiwa thoh khubor leh da ya yang bait ki ha baranda, ha khmat ka kamra u James palat kamwa 2 kynta. Hadien wa wai katai ka yalang wa ki sahep leh, neiliang u James ym em khut u ya kiwa thoh khubor kawa da pynman yaki wow yang bait hadooh wa da mih u na kamra.

Ha i por wa u montri mih u na kamra, kiwa thoh khubor nyngkong dooh da e khublei snem thymme, wei da paan por ki 5 minit wow yaklam, tangwa da kyntait u wei da lai bait u cha ka liang wa em uwi wa thoh khubor uwa dang pyrchang wow yaklam wa oo. Ha ini i yaleh u wow yait u yaklam wa kiwa thoh khubor u James da kynroi noh u ya uni uwa thoh khubor deiwa pynbaad wa kah luti u.

Hawa yoo ya ini i leh u James, neiliang yong utai wa thoh khubor leh da pynyuiñ ktien u deiwa ong ya u montri ‘me pyrkhat wa me uyi man mi?’, wei ha itai i por u James uwa da hiar ya ki rana yow yut na kiwa thoh khubor da ku biang u cha jrong wow kynroi ya utai uwa thoh khubor deiwa ong ‘me iyi thut mi?’, heiwa utai uwa thoh yong kawi ka kot khubor phareng leh da ong u wa em i wow kylli ya oo kam u montri wow pynche cha ki paidbah.

Kam wow pyntip wa ini ym toh ka sien wa nyngong wa u James K Sangma da kiar u wow klam cha ki laad pathai khubor, wei ini i leh yong u Home Minister ka Meghalaya ynne ka sngi da pynkhyrngiat ko ya kiwa thoh khubor neibhah man ko ka kamram yong oo wow pyntip cha ki paidbah lyngba ki laad pathai khubor ya i long i man yong ka jylla.

Advertisement ad1

0 Comments

Leave a Reply