15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Mih ka liang pyrchah wow pyrchah ya ka Work Permit ya ki nong Bangladesh hapoh yung dorbar

0 Comments
Advertisement ad1

Shillong: Ki MLA ka Congress ynne ka sngi da mih noh ki na yung dorbar wow pyrchah yeiwa pynche u Montri Rangbah, u Conrad K Sangma yeiwa mih khubor wa ong wow e Work Permit cha kiwa na Bangladesh.

Ya ini i phang yania da wanrah da ka MLA ka East Shillong ka Ampareen Lyngdoh wei da kyrchaan da u MLA ka Umroi, u George B Lyngdoh wa u MLA ka Mawsynram, u HM Shangpliang.

Advertisement ad1
Advertisement ad1

Hawa chim bynta ha i yania u Dr. Mukul Sangma da ong u wa ini ymtoh i thmu ka NPP næ na ki lok ka sorkar MDA tangwa kamwa da mih da yoo wa u Montri khynnah ka tnat kam pohiing ka ri u Kiren Rijiju da yaroh u yeini wei kamjooh leh ka montri yada ri ka Sushma Swaraj.

Da kylli u wa lada ini i thmu wow wai laad ya ki bru na baar ri kamwa ka sorkar pyrdi kwah ko wow pynkylla ya ka Citizenship Act næ ya ki bru ka Arunachal Pradesh kiwa kylla poiwiar.

U Dr. Mukul da ong u wa hawa dang pynman ya ka dorbar toh u yaklam chwa yeini ha dorbar yeiwa thmu ka sorkar tangwa u Montri Rangbah ka sorkar da leh u yeini pyn da oo hi wow pynbna wow e ya ka Work Permit cha ki baar ri wei ini i leh u Conrad toh iwa yoohbeiñ yei hok ki paidbah ka jylla.

Ka Amapreen da kylli ko wa lada chem ka sorkar ya kiwa na Bangladesh kiwa wan psiah tooh cha kani ka jylla, wei heiwon em ki. Chooh chooh da ong ko wa lada em kiwa na Bangla kiwa kreh hapoh ka jylla ha i dor wa khian.

Ka MLA Congress da ong ko leh wa toh u yakhun ya ka ILP næ kiwi ki laad wow yada nei wan psiah tooh kiwa na baar wei ini i thmu booh i yei ma ya ki paidbah ka jylla.

Neiliang u Himalaya Shangpliang da pynsñiaw u yei mynsien wa phylla ya ini i thmu yong u Montri Rangbah deiwa pynrap leh wa ini i rukom pyrkhat man i iwa bakla.

Da ong u leh wa kammon ka jylla u tyrwa Work Permit ko ya ki baar ri hawa tang ki khynroo khyllood ka jylla boon kiwa khlem kreh.

U MLA ka Umroi u George B Lyngdoh da ong u wa ka jylla Meghalaya joor bha i wym yoh khih ki khynroo khyllood iwa man du 6.5 percent ha ka jylla wa ha ka ri waroh kawi kawa man 6.8 percent.

Da pynrap u deiwa ong wa ini i thmu toh i wym kheiñkor ka sorkar ya i eh i khoo ki paidbah.

Katwa neiliang u MLA ka KHNAM u Adelbert Nongrum da ong u wa kani daw ktah joor ko ya ka jaitbru ha kani ka jylla kawa khian paaid na i wan roi kiwa na baar.

Da ong u leh wa ka NPP da kbai ko ya ka la-ær i kylla heipor election, toh hi ini itæ i kylla?

U MLA ka KHNAM da ong u wa ki rukom pyrkhat kamwa leh ha kiwi ki ri wa heh ka pyrthai ym krehkaam ki ha kani ka jylla neibhah ha ki em ki ki aiñ wa khor tangwa heini won mar dei kylla.

Hawa pynche yeini neiliang u Montri Rangbah ka jylla u Conrad K Sangma da ong u wa ka sorkar ym em thmu ko wow wanrah namo wow pynkrehkaam ya ka Work Permit ya kiwa na Bangladesh wow wan ki cha kani ka jylla deiwa ong leh wa da yaklam u wa ka montri ka tnat yada ri, ka Sushma Swaraj heiwa kammon u sylli yei wan psiah tooh ki bru na baar cha ka thaiñ mihsngi ka ri India.

Da ong chooh chooh u wa ym em tyrwa næ e yumut u ya ka sorkar pyrdi wow pynkrehkaam da ka Work Permit. Da ong u wa em u ka hok wow yaklam ya kawon kawon ka kaam tangwa ym em ong u wow pynkrehkaaam ya ka.

Heijooh i por da ong u wa i wan psiah tooh ki bru na baar toh kawi ka phang kawa khia bha heiwa emkaam wow pachat yumut ki waroh wow yaleh pyrchah ya ini i eh neibhah wa i wan psiah tooh ki bru em i hanlada em ki aiñ leh.

U Conrad da ong u wa ha i yachem wa ka Sushma Swaraj, da yaklam ya ki laad ki kabu na ka Act East Policy yong ka sorkar pyrdi neibynta wow kyntu ya ka roi ka paar yong ka thaiñ deiwa wai laad ya ki ri wa marjan yong ka thaiñ Asia kam ka Bangladesh, Mynmar, Bhutan, wa kiwi kiwi.

U Conrad da ong u wa toh i por wow pait yei e yarap wow kyntu ya ka jylla ha ka yoh ka kot wow yoh myntoi na ki ri wa marjan.

0 Comments

Leave a Reply