Ki pulit da kyntu ki ya ki paidbah wow man kiwa syndong neidaw wa em kiwa thok wa chukor paidbah kiwa da kular wow pynyoh poisa smat deiwa thap poisa ha kawi ka Company wa pyrtuid ‘Numgenious AI’ (https://numgenius-ai.vsisk.com).
Kani ka Company da kular ko wow pynuiñ boon chah ka poisa na iwa da thap ki bru hapoh i por wa tbian.
Ki pulit da pyntip ki wa da em boon ki bru wa chah thok du ha kini ki tayaaw wa da dep hapoh East Khasi Hills wei kini toh kiwa thok bru lyngba ka Internet wei dang thooh ya ki.
Kini ki bru da pynemkaam ki da u WhatsApp deiwa khut ya ki bru wow ya psiah lang ki heiwa da em ki por da khut da kiwa tipmit hi ki ki wym tip wa kani toh ka kaam thok.
Hapoh WhatsApp kini ki bru da pynyoo ki katwon yoh ki chi kynta, chi sngi, chi tayaaw, chi bnai kamtæ ter ter deiwa kam wa da yoh nong ki chiboon chah.
Kiwa ngait yeini da phah poisa ki cha kini ki bru deiwa yooluti u yoh nong chiboon tangwa hadien wa su yaka poisa, kini ki bru wiar wot ki wei da pynkylla ki leh ya waroh ki Link wa i pyrtuid da kiwa thymme yow lai thok won ya kiwi ki bru yow lait ki u tip toh ki jooh hi ki bru wa leh ya ini i kaam.
Kamtæ da kyntu ya ki paidbah wym toh u chah pynbiej ki ha kam kini wei lada chem ki wa em kiwa mut wow leh yeini, toh u lai pyntip ki wut-wut cha ki pulit næ deiwa Phone ha u Cybercrime Helpline- 1930.
Discussion about this post