Mih ka seiñ thymme yow pynchlur ya ki wa emsap ha ki kaam kari

Jowai : Kawi na ka seiñ wa rap pher na kiwi ki seiñ ka Hyper-fuse kawa kwah u kreh hei yatoh waki bru wa chongchit ya ki kaam kari ynne ka 12 tarik da pynman ki da ka ‘Rally on Road Safety’ yow pynkynmoo paidbah yei emkaam u husiar heipor wa yah kari.

Kani ka seiñ da sdang ki ya kani ka ‘Rally on Road Safety’ hei step heiwa ki dkhot kani ka seiñ da saam ki ya ki phamplet kiwa da thoh ya ki phang wa emkaam u leh heipor wa yah kari.

Ha kani ka phamphlet da pynkynmoo ya ki paidbah yow deiñ Seat belt heipor wa yah kari, wa ymhoi u dih kyiad tæ yah kari, ym hoi u yah smat ya ka kari, yow sap ya ki helmet ya kiwa yah ar chaka, yow bood ya ki aiñ yah kari wa em cha surok wa kiwi kiwi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hadien ini ki dkhot ka seiñ da lai ki na nadooh na Chutwakhu hadooh ha Mihmyntdu ha ki kari wa em 10 tylli deilang wa ka tanghæng wei pynbna paidbah ya ki rukom yah kari wa toh u bood ki.

Hei yaklam wa ki dkhot ka seiñ da ong ki wa yakni ka HyperFuse da sdang nadooh u snem 2011 wei wa dang ha uni u snem ye ki u sdang u kreh ya ki kaam wa thmu ka seiñ kam ya ki bynta wa emkaam u yah kari deiwa em burom kamjooh leh yow pynchlur ya kiwa emsap hei chna kari, pynkylla dur ya ki kari wa kiwi kiwi.