Jowai : Hadien wa da sdang u ku ki kaam yalehke sports kam ki football, boxing, kickboxing, wa kiwi kiwi kiwa da wanrah burom ya ka ri-loom Jaiñtia ynne ka sngi da pynmih ya ka seiñ West Jaiñtia Shooting Association (WJSA) hajrong ka thong wow kyntu ya ki kaam siat suloi wa suloi wa pistol.
Ya kani da leh ha yung u ma A.N. Niangti wa em ha New Hill, Jowai heiwa da wan sakhi da kiwa krehkaam ka Meghalaya Shooting Association kam u General Secretary yong ka u ma Niel Sootink wa u Asst. Secretary u ma Daowhi Suiam.
Dei mynsien wa sñiawkhia wow kynrong kyntu ya kani ka rukom yalehke da mih chaphrang ki kattu katni ki waheh na chnong Jowai wow pynmih ya kani ka seiñ.
Kiwa krehkaam kani ka seiñ man ki kamni hawah :
President u ma AN Niangti
General Secretary u ma Leborki Passah
Assistant Secretary u Kyntang Passah
Organising Secretary u ma Barphi Toi
Publicity Secretary u ma Jopthiaw Pariat
Treasurer u ma Wanpli Laloo
Da pyntip leh wa ka seiñ ha kini ki sngi wa daw wan daw chong yalang biang ki wow rai ya ki mat wa kammon u kynrong kyntu ya kani ka yalehke hapoh district.
Discussion about this post