Mih ka sur wow kyrchaan ya u Puramon Kynjin kam u Dolloi ka Elaka Jowai

Jowai: Kam chi bynta wow ya phyllu yumut hei yatoh wa ka kaam wow jied ya u Dolloi ka Elaka Jowai ka wow pynman ha kani 14 Thohlakhmi 2017, ynne ka sngi da pynman ya ka yalang bah yong ka Chief Executive Committee Election Dolloi yong u kyrtong Puramon Kynjin ha Yungwalieh ka Dorbar Chnong Dulong.

Ha kani ka yalang bah da wan yachim bynta da ki spah ngut ki waheh wa ki khynroo wa wan na kylleiñ ka Elaka Jowai heiwa ya kani ka yalang da pyllai da u L.D. Lakiang, wei da yoh ya ka report ka committee na u ma Lamwan Paswet uwa da pynsñiaw ya ki kaam wa da leh kamjooh kiwa dang sahteiñ yong ka dorbar kamjooh yong ka Dorbar Elaka.

U Lamsalanki Pariat hei klam tbian da batai u yei kaamram u Dolloi, da ong u leh wa ka aiñ synchaar yong ka JHADC man ko kawa duna bha wei kawa da kyntait leh da ka Supreme Court.

Related posts

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025

U Puramon Kynjin u kyrtong Dolloi ka Elaka ong u wa ym hoi u mylliñ i wa ka jied Dolloi ya phær ko na iwa jied MLA, MDC wa kiwi neibhah nyngkong ya u Dolloi da jied chi rta wei man u wow pait ya ka dustur riti kamjooh ya ka synchaar khadar.

Ha ka jied Dolloi ym em ka yung Dorbar kiwa chong pyrchah (opposition party) wei ya kiwa rem leh u pdiang ya ki salonsar kam ki khon yong u Pa Dolloi kamjooh yong ka Elaka.

Da ong u leh wa ha ka election wa pynman khaddooh la 14 snem nachwa, duna mih ki bru wa wan thap vote, ini ye u man wa kiwa boon toh sñiaw ki wa ym emkaam i ya ki Dolloi tangwa haap kynmoo i wa ki Dolloi toh kiwa pait wa sumar ya ka riti dustur.

Ha ki ar snem wa da man u kam u Acting Dolloi da pyrchang u wow pynkhai ya kiwa boon ki riti dustur wa da yap, da pynman u ya ki Dorbar ka Elaka kiwa da sdang u wiar ha kylleiñ ki Elaka.

Ya ki khynnah khynroo leh da kyntu u wa ha ka sngi thap vote wa ym hoi u pynsepai ya ka wei da yooluti u leh wa daw mih lut kiwa thap vote.

U Singh Mulieh da ong wa ha kini ki ar snem wa da man u Puramon kam u Acting Dolloi da dep chong bichaar ya kiwa boon ki mukotduma wa da sah kut da boon boon snem. Wei oo em hok u wow yoh u man kam u Dolloi wa paka yow yoh u pteiñ yei kaam wa bha yong oo.

U Ker Lakiang leh da kyntu u ya ki paidbah yow wan ki cha khmat yow yoh kam kani ka laad wow thap vote neibhah em ki bru waroh chi rta ym jooh yoh laad ki u thap vote wow jied Dolloi.

Kiwi de kiwa klam ha kani ka sngi kam u S.K. Lato, Jra Dkhar na Wapung, Shillong Dkhar na Wapung da pynsniaw ki yei kyrchan ya u Puramon Kynjin kam u Dolloi ka Jowai Elaka, wa kiwi kiwi.