15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mih ki 59 ngut napoh ka jylla wow chimbynta haka WAKO India National Kickboxing Federation Cup

0 Comments
Advertisement ad1
Advertisement ad1

Jowai: 59 ngut kiwa yalehke Kickboxing wa kynthup ya ki Official ka Meghalaya State Kickboxing Association (MSKA) da mih ki na Shillong ha i step ka 21 tarik uni u bnai wow lai chimbynta haka WAKO India National Kickboxing Federation Cup 2019 ka wow sdang nadooh ka 24-28 tarik uni u bnai wa pynman da ka Amateur Sports Kickboxing Association Maharashtra ha Pune hapoh i pyrtuid ka WAKO India Kickboxing Federation.

Ha chwa wow mih ki 59 ngut da pynman ya ka yalang ha Main Hall ka Hotel Assembly heiwa u Dr. Vikash Gupta uwa man kam  uwa e buit ka MSKA deilang wa kiwi wa kynthup ya u Lorenzo Pearson Warjri da baan joor ki yei emkaam u chimbynta ha ki yalehke Sport neibhah kamwa man katni ka man ko ka thong ka sorkar ka wow man kam ka laad yoh kreh.

Ka MSKA da pynkup burom ko leh ya ki le ngut kiwa yoh tama takma kiwa mihkhmat yaka NEHU Kickboxing Team wa kynthup ya u Hameshaniah Suiam haka kyrdan Under 57 Kg Point Fighting Men uwa Shangpung uwa puræ ha St. Edmunds College, u Ioonis Mynsong uwa chimbynta haka 63 Kg Men Kick Light uwa puræ ha Kiang Nongbah Govt. College Jowai waka Belldona Pakyntein kawa chimbynta haka Under 48kg Low Kick Women kawa puræ ha St. Anthony’s College Shillong kiwa da wanrah burom haka All India Inter University Kickboxing Championship wa pynman ha Andhra Pradesh University Visakhapatnam nadooh ka 8-11 tarik uni u bnai.

Ha kawi tawon ka liang ka MSKA da pynkup burom ko leh ya u Hameshaniah Suiam uwa da wanrah burom sa chisein ya ka ri deiwa chah jied u wow chimbynta haka Ranking Tournament of 4th International Turkish Open Kickboxing Tournament ka wow man nadooh ka 4-7 tarik u bnai wow wan ha Antalya, Turkey.

U Hameshaniah u chimbynta u haka Below 57 Kg Point Fighting waka Kick Light Men Category.

Share this:
Previous

Sñiawkhia ka SSSS yei noh habra ya i jahkhlia ka Iawpynsiñ cha rood sarok

Next

Pynbna ka BJP da u Sanbor Shullai kam u kyrtong MP na Shillong