theme-sticky-logo-alt
theme-logo-alt
Advertisement ad1
Advertisement ad1

Mih ki le skur wow pynkhooid yow pdiang ya kiwa wan cha ka NH7 Weekender

Advertisement ad1

Jowai: Kam chibynta wow pdiang ya kiwa wan cha ka NH7 Weekender ka wow pynman ha kani ka 2 wa 3 tarik ha Thadlaskeiñ, Lad Mukhla, ka District Legal Services Authority (DLSA) deilang wa ki pulit ka West Jaiñtia Hills da pynman ki ya ka pynkhooid ya ki thaw wa em chajan i thaw wow pynman ya kani ka tamasa.

Ha kani ka pynkhooid yonglang kawa pynman ynne i step da wan chimbynta da ki khynnah skur ka JNV Mukhla, ka ATS, ka Kiang Nangbah LP&UP School, Mukhla hei emlang u waheh chnong ka Mukhla waka Lad Mukhla.

Advertisement ad1

Ha chwa wow sdang yei pynkhooid da em ka yalang wa tbian heiwa da yaklam yei emkaam u man kiwa lehkhooid kawa pynlai da u Insp. DH Pde In-charge Jowai Traffic wei da yoh yei klam na u DSP J. Marngar, MPS u waheh chnong ka Lad Mukhla, u D Marbaniang Secretary ka DLSA wa kawi kawa mihkhmat kiwa pynman ya ka NH7.

Kani kawa mihkhmat ka NH7 da khana ko wa waroh ki jhep ki wow mih na kani ka tamasa daw pyllang ya ki wei daw phah recycle ki yow lait i u neh ha kani ka thaw wa pynman ya kani ka tamasa.

Ki bynta wa pynkhooid ha kani ka sngi toh nadooh Orchid Inn chadooh ka Mukhla Petrol Pump da ki khynnah ka JNV School, nadooh na Orchid Inn chadooh hadooh wow poi ATS da pynkhooid da ki khynnah ka ATS katwa nadooh na Orchid i bynta wa 1km ka Jowai Bypass da pynkhooid da ki khynnah ka Kiang Nangbah LP&UP School, Mukhla.

Ya i jhep da kit da ki pulit ka Jowai Traffic wei da booh leh ya ki tin pyllang jhep cha kini ki thaw wa da dep pynkhooid.

 

Share this:
Previous

Da saam ya ki Prize ka Lucky Draw ka Mynthong

Next

Da phah e kti ya waroh ki tiar yasiat na Nartiang ha ki pulit